Pukke is netbal USSA-kampioene na lang titeldroogte

Die vonkelwyn vloei nadat Pukke hulle USSA-sege vandag (Vrydag, 7 Julie) teen Kovsies behaal het.
Die vonkelwyn vloei nadat Pukke hulle USSA-sege vandag (Vrydag, 7 Julie) teen Kovsies behaal het.

NWU-Pukke se netbalspan het ‘n onoorwonne USSA-toernooi beleef en wanneer dit die meeste saak gemaak in die finaal het hulle beste netbal gelewer om as wenners op hulle tuisbaan vandag teen Kovsies gekroon te word.

Die eindtelling wat 43-35 in Pukke se guns geëindig het, was danksy ‘n briljante eerste tien minute waar Pukke ‘n 9-0 voorsprong gehandhaaf het. Die atmosfeer by die NWU Pukke netbalbaan was iets ongelooflik en die tuisspan het beslis dit tot hulle voordeel benut.

Foto’s: Wouter Pienaar

Dit was genoeg om hulle stempel behoorlik af te druk en dinge bitter moeilik vir Kovsies te maak om weer vanmiddag in die wedstryd te kom.

Pukke het ook hulle kanse beter gebruik met Anja Esterhuizen en Jessica du Plessis wat die doele keer op keer gesink het. Op die ander kant van die baan het Kovsies Rieze Straueli en Alicia Puren gesukkel by die net.

Met die laaste sirene van dié week lang USSA-toernooi kan Pukke nou feesvier met ‘n welverdiende titel in hulle hande.

*Lees die volledige wedstrydverslag, reaksie en eksklusiewe foto’s in komende week se Potchefstroom Herald (13 Julie)

  AUTHOR
Wouter Pienaar
Sport Journalist

Latest News

COMMENTS

Carletonville HeraldParys GazetteSedibeng SterVaal Weekblad
Top