Steil bult lê vir Gimmies se eerstes teen Transvalia voor

Kan George van der Westhuizen se manne 'n groot oorwinning teen Transvalia bewerkstellig?
Kan George van der Westhuizen se manne 'n groot oorwinning teen Transvalia bewerkstellig?

Potchefstroom Gimnasium se eerste rugbyspan se vlam skyn nog helder nadat hulle ’n tweede helfte terugvegpoging soos min teen Hoërskool Secunda op laasgenoemde se tuisveld verlede naweek met 29-25 bewerkstellig het.

Gimmies was met 22-5 agter teen halftyd en het in die tweede 35 minute daardie spreekwoordelike Gimmie Guts gewys net toe hulle dit die nodigste gehad het. Bertus Pool se manne het in die tweede helfte ingeklim en danksy Johan Minnaar se driekuns, sowel as Waldouw Smit en Dirkie Louw se drieë. Minnaar het ook ‘n doelskop tussen die pale deurgesit terwyl Vernon Charslund ook met ‘n suksesvolle skop vir Gimmies die wen deurgetrek het.

Na dié wen het Gimmies definitief momentum en sodoende bewerkstellig Gimmies vir hulself ’n Virsekerbeker halfeindstryd teen die rugbyreuse van die Vaaldriekhoek, Hoërskool Transvalia, komende naweek in Vanderbijlpark.

Gewis sal hierdie nie ’n maklike taak wees nie, veral aangesien Transvalia in hulle twee afgelope Virsekerbekerwedstryde teen Hoërskool Tuine (82-0) en Hoërskool Dinamika (64-0) oortuigend gewen het sonder om ‘n enkele punt af te staan.

As Gimmies die onmoontlike kan regkry en Transvalia kan klop, sal dit een vir die geskiedenisboeke wees. Gimmies sal soos Dawid hul taktiese slingervelle in orde moet kry om die rugbyreus te klop. Dit is vir seker.

  AUTHOR
Wouter Pienaar
Sport Journalist

Latest News

COMMENTS

Carletonville HeraldParys GazetteSedibeng SterVaal Weekblad
Top