Volkies en Gimmies takel mekaar weer in Noordwes eindstryd

Volkskool se Cobus Crowther sal graag sy hoërskool krieketloopbaan met die Noordwesskild in sy hande wil staan. Inlasfoto: Francois van Deventer gaan met sy draaiballe 'n verskil vir Gimmies wil maak in die Noordwes eindstryd teen Volkies
Volkskool se Cobus Crowther sal graag sy hoërskool krieketloopbaan met die Noordwesskild in sy hande wil staan. Inlasfoto: Francois van Deventer gaan met sy draaiballe 'n verskil vir Gimmies wil maak in die Noordwes eindstryd teen Volkies

Vir die derde agtereenvolgende jaar speel Hoër Volkskool Potchefstroom en Potchefstroom Gimnasium se eerste krieketspanne teen mekaar in die Noordwes-finaal hierdie komende Saterdag, 14 Oktober.
Dit was nog elke keer ‘n krieketoorlog. Interessant genoeg sal dit ook die derde agtereenvolgende jaar wees wat Volkskool dié eindstryd aanbied en vir seker sal ervare Volkies soos Cobus Crowther, Herman Prinsloo en Louis van Schalkwyk vir ’n slag aan die wenkant wil wees.
Tegelyk sal Gimmies onder leiding van kaptein Vernon Charslund, niks meer as ‘n derde agtereenvolgende oorwinning in dié eindstryd teen hulle tradisionele teenstanders wil vermag nie.
Gimmies se Francois van Deventer en Charslund sal met hulle draaiballe wil skade aanrig en die lopies beperk.
Die kanse is ook goed dat die Jansen-broers, Duan en Marco, ook weer ‘n doring in Volkies se vlees met beide kolf en bal kan wees.
Volkies se sterk punt is natuurlik hulle openingspaar, Vincent Viljoen en Louis van Schalkwyk, wat vanjaar lopies soos bossies maak.
Volkies se boulwerk sal ook hewig steun gee aan hulle draaiers soos Van Schalkwyk, Crowther en André Taljaard om kritieke paaltjies te neem.
Gimmies spog met ’n oorwinning teen Volkies in die ligafase toe hulle op die Gimmies Oval vir Volkies met vyf paaltjies geklop het. Die wedstryd tussen hierdie twee spanne begin om 09:00.
*Volkies se o.15A-span is ook in aksie op Volkies se B-veld, waar hulle vir Hoërskool Rustenburg aanvat.

Spanne:
Gimmies: Jacques Botha, Duan Jansen, Marco Jansen, Vernon Charslund (c), Francois van Deventer, Matthew Haupt, Ricus Swart, Ronald Hendricks, Frans Viviers, Landré Halgryn, Adriaan Röntgen en Robert Cameron.
Volkies: Louis van Schalkwyk, Vincent Viljoen, Timothy Malan, Martin Fourie, André Taljaard, Awie Visser, Herman Prinsloo, Jannie Claassens, Cobus Crowther, Waldu Kotze en Le Roux White.

Sport

  AUTHOR
Wouter Pienaar
Sport Journalist

Latest News

COMMENTS

Carletonville HeraldParys GazetteSedibeng SterVaal Weekblad
Top