De Villiers haal oefengroep vir 2018 wêreldkampioenskappe

Robert de Villiers by die Wêreldkampioenskappe. Foto: Willie de Villiers.
Robert de Villiers by die Wêreldkampioenskappe. Foto: Willie de Villiers.

Potchefstroom Volkskool se SA kampioen in die 2000 en 3000 meter hindernis, Robert de Villiers, is vir sy uitstekende atletiekjaar in 2017 beloon.
De Villiers is in die ASA voorbereidingsgroep vir die 2018 IAAF Junior Wêreldkampioenskappe ingesluit wat vanaf 10 tot 16 Julie in Tampere, Finland gaan plaasvind. Hierdie groep bestaande uit 38 atlete, sal dan in Maart en April verkort word wanneer die voorlopige en finale groepe gekies word.
Hy is die enigste atleet van Atletiek Sentraal Noordwes (ASNW) wat in hierdie gesogte groep junior atlete ingesluit is. Die kanse is goed dat De Villiers volgende jaar nog beter kan doen en in sy matriekjaar verdere hoogtes sal bereik. By die 2017 Wêreldkampioenskappe in Kenia het De Villiers ’n algehele 11de plek behaal, wat ’n uitmuntende prestasie is.

  AUTHOR
Wouter Pienaar
Sport Journalist

Latest News

COMMENTS

Carletonville HeraldParys GazetteSedibeng SterVaal Weekblad
Top