“Padpuisies” hier om te bly

Potchefstromers het onlangs op sosiale media gal gebraak oor die nuwe geel spoedhobbels wat orals in die stad verskyning maak.

Volgens Malcolm Grimbeek, verkeershoof van JB Marks munisipaliteit, gaan daar nog sulke verkeerskalmering inisiatiewe oral in die munisipaliteit van stapel gestuur gaan word.

“Ons kan nie net niks doen nie, die area wat ons  moet dek is groot daarom kan ons beamptes nie die heeltyd orals wees nie, ons moet die hulpmiddele tot ons beskikking gebruik,” het hy gesê.

Die “padpuisies” soos mense dit gedoop het, dien volgens inwoners geen doel nie omdat groter voertuie bloot bo-oor dit kan ry sonder enige nagevolge terwyl kleiner voertuie moet dood stop om oor te ry.

Daar word beweer dat die hobbels veral, kleiner voertuie se bande en skokbrekers beskadig, en dat dit wielsporing en wielbalansering affekteer.

Volgens Grimbeek beskadig die hobbels nie voertuie wat teen die voorgeskrewe spoedgrens oor hulle ry nie.

“Dit word gebruik om verkeer in die area waar dit geplaas word te kalmeer. Veral daar waar mense teen onaanvaarbare spoed ry. Die gebruik hiervan is voorgeskryf in die verkeerswet, en die hobbels is SABS goed gekeur. Ons is bemoei met padveiligheid so ons moet probeer voorkomend optree in die belang van alle padverbruikers,” het hy gesê.

Die Herald het later vandag (12 Januarie) ‘n onderhoud met die vervaardiger van die hobbels.

Lees meer in volgende week (18 Januarie) se Herald.

  AUTHOR
Dustin Wetdewich
Journalist

Latest News

COMMENTS

Carletonville HeraldParys GazetteSedibeng SterVaal Weekblad
Top