Atlete gaan vir goud by opkomende Interhoër

Hierdie jaar se Interhoër word aan die nuwe School Sports-been gekoppel en behoort met die bykomende vier skole, 'n atletiekfees te wees. Foto: Colette Combrink
Hierdie jaar se Interhoër word aan die nuwe School Sports-been gekoppel en behoort met die bykomende vier skole, 'n atletiekfees te wees. Foto: Colette Combrink

Hierdie jaar sprei Varsity Sports sy vlerke na hoërskoolatletiek. Dit is die eerste jaar wat Varsity Sports agt Interhoër byeenkomste oor die land aanbied om skole uit verskillende streke bymekaar te bring om teen hul eweknie mee te ding.

Hierdie reeks is die breinkind van Duitser Bosman, uitvoerende direkteur van Varsity Sports en 1995 Rugbywêreldbeker-wenner Francois Pienaar, in samewerking met borge soos Twizza, Ramble en die NWU wat altesaam meer as R2 miljoen bydra om hierdie reeks ’n realiteit te maak. Die reeks skop op Saterdag 17 Februarie op die Kenneth McAthur Stadion af wat Gimmies aanbied.

Hierdie reeks gaan as North West Gold bekendstaan, Die skole wat hier gaan spiere bult is: Diamantveld Hoërskool, Hoërskool Klerksdorp, Hoërskool Lichtenburg, Potchefstroom Boys High en Potchefstroom Girls High (wat as een skool gaan deelneem), Potchefstroom Volkskool, Rustenburg Hoërskool, Wesvalia Hoërskool en Gimmies.

Varsity Sports wil graag met hierdie Interhoërs wat byna 100 skole insluit, weer hoërskool atletiek in die kollig plaas, met die moontlikheid van ’n nasionale kompetisie tussen die wenners en dekking op Supersport in die toekoms.

Mall

Latest News

COMMENTS

Carletonville HeraldParys GazetteSedibeng SterVaal Weekblad
Top