Volkies se Timothy Malan lewer ‘n vierkuns op teen Gimmies

Timothy Malan het almal se aandag met sy vier paaltjies in vier balle gekry teen Gimmies op Senwespark.
Timothy Malan het almal se aandag met sy vier paaltjies in vier balle gekry teen Gimmies op Senwespark. Foto: Barco Greeff.

Vier paaltjies in vier balle.

Dit was die droomscenario wat Volkies se Timothy Malan teen Gimmies in hulle Varsity Krieketstryd op Senwes Park beleef het toe hy met puik boulwerk sy skool na ‘n 5 paaltjie oorwinning gelei het.

Gimmies is vir ‘n skamele 42 almal uitgeboul en kon nie eers die 12 beurte bly staan in hierdie spesiale wedstryd wat as vertoonwedstryd vir die Varsity Krieket-finaal tussen NWU en Tuks gedien het.

Malan het met boulsyfers van 4/13 in 2 boulbeurte gespog terwyl Andre Taljaard ook twee paaltjies ingeoes het.

Volkies het wel gemaklik na die teiken gevorder voordat Christopher de Freitas met flink veldwerk uitgehardloop is om na 33/3 te laat.

Op die ou einde het Jaco Viljoen en Waldu Kotze sterk gestaan en Volkies oor die lyn gedra met die telling op 45/5. Sodoende wen Volkies met vier boulbeurte oor.

Mall

  AUTHOR
Wouter Pienaar
Sport Journalist

Latest News

COMMENTS

Carletonville HeraldParys GazetteSedibeng SterVaal Weekblad
Top