‘Profete’ roof vroue

police,saps
Illustration photo

Twee vroue is Vrydag 2 Maart omstreeks 18:00 deur ’n groep mans, wat hulself as profete voorgehou het, in Albert Luthulistraat beroof.
Volgens kapt. Mvula Chaka, polisiewoordvoerder, was die twee vroue op pad om water te gaan koop toe hulle deur drie mans in ’n rooi voertuig met Gauteng nommerplate voorgekeer is. Die mans het vir aanwysings gevra en terwyl die vroue vir hulle aanwysings gegee het, het hulle begin profeteer oor die vroue se lewens.
“Die vroue is deur die mans gevra om hulle skootrekenaars en selfone te bring sodat hulle daarvoor kan bid,” vertel Chaka.
Die vroue het ingestem, die items by die mans gelos en water gaan koop. Die mans het toe met hulle besittings gevlug.
Volgens Chaka is niemand nog in hegtenis geneem nie.
Hy het inwoners gemaan om nie hulle besittings vir vreemde mense te gee nie.
Misdadigers soek enige so ’n geleentheid, sê hy.

  AUTHOR
Dustin Wetdewich
Journalist

Latest News

COMMENTS

Carletonville HeraldParys GazetteSedibeng SterVaal Weekblad
Top