All Things Adventure 2018

banner

’n Naweek vol avontuur-aktiwiteite en talle uitstallers maak aanstaande jaar deel uit van MooiVaal Media en Stonehenge in Africa se avontuur- en buitelewe-ekspo, All Things Adventure.
Dit vind op 3 en 4 Maart plaas by Stonehenge langs die Vaalrivier in die wêreldbekende Koepelbewaringsgebied. Stonehenge in Africa het onlangs weer verskeie toerisme-toekennings ontvang en is die ideale terrein vir so ’n ekspo.
Daar gaan oorgenoeg wees om te sien en te doen. Behalwe vir stalletjies van motorhandelaars en buitelewe- en kampeertoerusting, is daar aktiwiteite soos boogskiet, verfbal, ’n avontuur motorfietskompetisie, 4×4 uitdagings, die Fluid Multisport uitdaging (roei, draf, fietsry), Kids Warrior Race, witwaterroei en die SABA (boogjagters) kompetisie. Baie van die uitstallers, soos skubaduik en verfbal, bied ook hul eie aktiwiteite aan.
Iets nuuts wat vanjaar beoog word is ’n kompetisie vir die mees nie-kommersiële innoverende of praktiese selfgeboude of -ontwerpte kampeer- of buitelewe gereedskap of toerusting, byvoorbeeld ’n selfgeboude warmwater-toestel wat saam op safari kan gaan. Belangstellendes kan ‘n foto en kort beskrywing vir evaluering na hstander@media24.com e-pos. Deelnemers kan hul ontwerpe by ‘n spesiale uitstalruimte kom bekend stel en boonop ’n kans staan om lekker pryse te wen.
All Things Adventure bied aktiwiteite en geleentheid vir uitstallers om mense te bereik wat lief is vir avontuur en die buitelewe. Dit verskil van ander ekspo’s deurdat skougangers aan aktiwiteite kan deelneem. Aktiwiteite tydens die ekspo vind plaas op die 4×4 baan, avontuur-motorfietsbaan, in die arena en in en om die Stonehenge-terrein.
Die uitstalruimtes is groot en elektrisiteit is by meeste ruimtes beskikbaar. Daar is ook geleentheid vir uitstallers/handelaars om 4×4’s en bakkies op die baan te demonstreer. Dit is die perfekte geleentheid om nuwe en bestaande produkte bekend te stel.
Daar is ook plek vir kosstalletjies en vir handgemaakte produkte.
Skakel Antoinette Badenhorst bedags by (018) 293 0750 vir uitstalruimte of e-pos haar na Antoinette.Badenhorst@mooivaalmedia.co.za

Carletonville HeraldParys GazetteSedibeng SterVaal Weekblad
Top